Wednesday, December 23, 2009

साइकल ट्रयाक

Read from Kantipur

पुस ६ मा 'चौतारी' मा छापिएको जिष्णु सुवेदीको 'आकासे साइकल ट्रयाक' मा प्रस्तुत भएको काठमाडौं सहरको अवस्था र साइकलको सार्थकताको खुलेर प्रशंसा गर्न चाहन्छु । गरिब यात्रुको यानको रूपमा नेपाली समाजमा चिनिएको 'साइकल' समय सान्दर्भिक साधन हो । साइकलको प्रयोग आर्थिक अवस्थाको संकेतमात्र नभएर वातावरणीय चेतनाको सूचक हो ।

म 'काठमाडौं साइकल सिटी २०२०' को अभियानकर्ता हुँ । मैले साइकल चलाउन थालेको ३ महिनाभन्दा बेसी भइसक्यो । मलाई यो अवधिमा साइकल हुइँक्याउन काठमाडौंका सडक कहिल्यै साँगुरा लागेनन् । साँगुरो त यहाँको मन छ । केही दिन सडकमा सामान्य बानी बसाएपछि साइकल राम्रोसित कुदाउन सकिन्छ । त्यसपछि न जीउ दुख्छ न सडक साँगुरो लाग्छ र न त गन्तव्य नै टाढा लाग्छ । यी त बाहनामात्रै हुन् ।

- राजन कठेत
काठमाडौं

___________________________

No comments: